O goberno local ordena o cese da actividade da empresa de depósito de contedores de Guixar

O Concello vén de decretar a prohibición dos traballos na parcela situada na Avenida de Guixar 12 que contaba cunha comunicación previa de actividade. A empresa ten 48 horas de prazo para cumprir a orde.
Publicado por o día 18/10/2017 na sección de Concello de Vigo,Galicia,Vigo

O goberno local ordena o cese da actividade da empresa de depósito de contedores de Guixar

O alcalde deu conta da firma da resolución definitiva da declaración de ineficacia da comunicación previa de actividade da empresa que almacena contenedores en Guixar, desestimando as alegacións da empresa, de xeito que ordena o cese inmediato da actividade para aparcamento privado de camións e contedores e actividades auxiliares na parcela situada na Avenida de Guixar número 12.

O goberno municipal prohibe exercer a actividade pretendida e reitera á citada empresa a orde de cese que debe cumprir nun prazo máximo de 48 horas desde a notificación desta resolución. Abel Caballero explicou que, no caso de que se constate o incumprimento da orde, procederase á súa execución subsidiaria mediante o precintado do establecemento e o corte de subministro dos servizos de auga e electricidade, entre outros.

Engadiu tamén que, malia as peticións veciñais de apresuramento, neste procedemento era imprescindible cubrir ben a legalidade da tramitación e respectar os prazos que marca a lei así como facer as notificacións oportunas para evitar unha posible paralización xudicial posterior.