Gómez Reino avoga por sumar forzas para que Galicia conte nas eleccións xerais cunha candidatura que recolla o mellor de Podemos e o mellor do espazo do cambio galego

O secretario xeral de Podemos Galicia aposta por “unha fórmula de maiorías que consolide o alcanzado e que permita sumar forzas para a conformación dun Goberno de cambio, de progreso, de avance democrático e de transformación social”
Por o 04/03/2019 | Sección: Podemos,Política
Gómez Reino avoga por sumar forzas para que Galicia conte nas eleccións xerais cunha candidatura que recolla o mellor de Podemos e o mellor do espazo do cambio galego
Compartir en:

O secretario xeral de Podemos Galicia, Antón Gómez Reino, avogou hoxe por cerrar canto antes un acordo electoral coas forzas do espazo de cambio en Galicia que permita “tecer unha alianza electoral en forma de coalición, enmarcada na alianza confederal e plurinacional do conxunto de actores do cambio do Estado”. “Situamos  os  nosos  obxectivos políticos en volver a sumar forzas, en construír unha candidatura que recolla todo o mellor da nosa organización e todo o mellor do espazo do cambio galego”, dijo Gómez Reino.

Nas pasadas eleccións xerais, Podemos Galicia conformou con Esquerda Unida e Anova a Coalición En Marea como proposta política e electoral. Desde a consciencia colectiva sobre a necesidade de construír ferramentas políticas de maiorías, esa coalición, en diálogo co conxunto do espazo do cambio no país e no Estado, obtivo resultados históricos ao situarse como a segunda forza máis votada en Galicia e liderando a oposición ao Partido Popular.

Os resultados políticos de Podemos, do grupo Confederal e da coalición En Marea no Congreso dos Deputados e no Senado nesta lexislatura que remata son evidentes. No centro, unha intensa iniciativa política en forma de oposición que foi decisiva, política e aritméticamente, para desbancar do goberno ao PP.

A acción política da fórmula de maiorías e da alianza coa que Podemos Galicia participou nas Cortes ten reflexo nas decenas de iniciativas tramitadas, de leis aprobadas e dunha acción política decisiva no ciclo político electoral. A alianza de  EU,  Anova e Podemos non soamente  transmitiu as inquedanzas da cidadanía galega, senón que foi un grupo singular e relevante dentro do Grupo Confederal de Unidos Podemos, En Común  Podem e En Marea.

“Quedan, con todo, moitos desafíos pendentes, e son estes desafíos os que, a partir do 28 de abril, os que Podemos Galicia quere abordar con presencia de galegas como deputadas no Congreso e como senadoras no Senado”, subliñou o secretario xeral de Podemos Galicia. “E para iso precisamos, unha fórmula de maiorías que consolide o alcanzado e que nos permita sumar forzas desde  Galicia para a conformación dun  goberno de cambio, de progreso, de avance democrático e de transformación social”.

Comentar noticia

Your email address will not be published.