Gonzalo Caballero, candidato socialista á Xunta: “Hoxe o PSdeG está máis forte e en condicións de dar a Galicia o cambio que necesita”

Publicado por o día 03/11/2018 na sección de Política,PSOE

Gonzalo Caballero, candidato socialista á Xunta: “Hoxe o PSdeG está máis forte e en condicións de dar a Galicia o cambio que necesita”

secretario xeral do PSdeG, Gonzalo Caballero, resultou proclamado candidato socialista á Presidencia da Xunta despois de seren verificados os 398 avais presentados (a cifra máxima permitida polo regulamento do partido).

Trala presentación das firmas, a súa comprobación e o período habilitado para a resolución de eventuais recursos, que non se teñen presentado, o líder dos socialistas galegos queda confirmado xa como cabeza de cartel para as vindeiras eleccións autonómicas.


Tras concluír o proceso de primarias, Gonzalo Caballero emitiu a través das redes sociais un vídeo para agradecer o apoio depositado nel cando se cumpre “un ano de traballo intenso” dende a súa chegada á Secretaría Xeral.

“Hoxe o PSdeG está máis forte, máis revitalizado, e en condicións de dar a Galicia o cambio que necesita”, valorou o líder dos socialistas galegos, quen explicou que dá o paso para concorrer ás eleccións porque “non me quero resignar a que a Galicia dos meus fillos sexa unha Galicia sen posibilidades de futuro”.

Por iso, traballando “con sentimento, ilusión, paixón e sentido da responsabilidade”, Gonzalo Caballero comprometeu que “vou a dar o mellor de min mesmo por ese novo ciclo que quero para o meu país”.

CURRÍCULO GONZALO CABALLERO

Gonzalo Caballero Míguez (Ponteareas, 1975) é licenciado en Ciencias Económicas e Empresariais con Premio Extraordinario ao primeiro da promoción. Doutor en Economía pola Universidade de Vigo e Doutor en Ciencia Política pola Universidade de Santiago de Compostela, é profesor titular de Economía Aplicada na Universidade de Vigo, e foi Visiting Scholar na Washington University en St. Louis, na University of California en Santa Barbara e na University of California in Berkeley, entre outras.

Ten publicado máis dun centenar de traballos académicos en diversas revistas científicas nacionais e internacionais, e quince obras académicas. A súa última obra editada foi o libro ‘State, Institutions and Democracy’ (Springer, 2017, editado con Norman Schofield).

Dende hai un ano é o Secretario Xeral do PSdeG, así como membro do Comité Federal e do Consello de Política Federal do PSOE.

Comentar noticia

Your email address will not be published.