Gonzalo Caballero rexeita a decisión de Alcoa San Cibrao, unha empresa que recibiu “axudas multimillonarias”: “Ten que manter o emprego”

O secretario xeral urxe “máxima implicación” ao goberno de España e a Feijóo que “traballe nas solucións”, porque “non é un mero observador”
Publicado por o día 29/05/2020 na sección de Política,PSOE

O secretario xeral do PSdeG, Gonzalo Caballero, manifestou hoxe o seu rexeitamento á decisión de Alcoa de despedir a 534 traballadores da planta de San Cibrao.

“Non podemos asumir o anuncio de Alcoa sobre despidos e emprego”, subliñou Gonzalo Caballero unha vez que transcendeu a decisión da compañía de iniciar un proceso de despido colectivo, consciente de que se trata dunha empresa que “recibiu axudas multimillonarias durante anos”.

Neste escenario, o líder dos socialistas galegos urxiu “máxima implicación” aos goberno de España e Galicia para traballar no mantemento do emprego na bisbarra da Mariña. Sobre todo, como dixo, á vista de que Feijóo ata agora está actuando como “un mero espectador”, sen colaborar e sen exercer as súas competencias no eido industrial.