A historia de Vigo nos últimos anos escríbese con “C” de Concesionaria, de Caciquismo, de Corrupción, de Caballero.

Por o 04/01/2015 | Sección: Opinión,Opinión por Fran Riveiro
A historia de Vigo nos últimos anos escríbese con “C” de Concesionaria, de Caciquismo, de Corrupción, de Caballero.
Compartir en:

– Hoxe algúns medios de comunicación publicaban unha nova sesgada da inauguración das escaleiras mecánicas por parte do alcalde.

Neste caso o que máis “disfrazou” a realidade foi o Faro de Vigo, que ten en común cos esta cidade tanto como o propio alcalde que é quen o financia.

Xa estan tardando en mudarlle o nome por Faro de Abel e así xunto co seu programa en Localia,tamén financiado,sería como “Juan Palomo”.

Por que iso é o “Mundo Abel”:Populismo,propaganda nos medios e concesionarias municipais todas relacionadas entre si. Como exemplo o cuestionario-concurso feito no mes de Novembro, para escolares de 3º a 6º de primaria por Faro+FCC+Concello de Vigo titulado “Canto sabes de Vigo? no que de 20 preguntas, 6 estaban relacionadas coa concesionaria, exemplos:

-Cantas “escobas de platino” gañou Vigo?
-En que ano comezou FCC a limpeza en Vigo?
-Cantos vehiculos compoñen a frota de FCC en Vigo?
-Cantas persoas traballan en FCC en Vigo?…


Por que é certo, por desgraza, a historia de Vigo nos últimos anos escríbese con “C” de Concesionaria municipal,de Caciquismo, de Corrupción, de Caballero e a predilección deste último por asinar contratos e concesións con empresas implicadas en casos de corrupción (Movexvial-CivisGlobal, Eiriña-Stradia, Hormigones Valle Miñor, Cespa-Ferrovial e UNIKA, por certo esta última vinculada a Operación Pokemon e actual adxudicataria de moitas obras de humanización en Vigo).

Pero imos a cuestión que nos ocupa:
Onte un grupo de veciñ*s de Vigo acudimos as escaleiras mecánicas a denunciar o continuo despilfarro de fondos públicos en obras innecesarias,nestes intres,coa grave situación que están a sufrir moitas familia de Vigo.

Pequeno desplegue policial e de prensa,inauguraba o alcalde,desta volta non había violíns nin piano,un pequeno grupo de seguidores(os mesmos “palmeiros” do pleno) agardaban a aparición de Abel mentres un nutrido grupo de persoas denunciabamos o derroche e a incompetencia municipal cando fixo acto de presencia.

O alcalde desdibuxou un sorriso cínico mentres alzaba con raiba a man en sinal de “V” pero non de victoria se non de vinganza,o seu acto teatral quedaba deslucido.

Dando as costas,como é costume cando non lle interesa,ascendeu en solitario polas escaleiras mentres de fondo escoitábase os seus seguidores “Vigo Si” o que nos preguntábamos en alto “como subirán os minusvalidos polas escaleiras”,”e as familias con carriños de bebe”, “e os invidentes”,acaso son vigues*s de segunda?,acaso non se derrocharon cartos dos seus impostos nesa obra?.

Por que “Vigo si”, pero Vigo somos todas as persoas as que no dia de onte o alcalde daba as costas mentres ascendia en solitario polas escaleiras na procura do seu minuto de gloria.

ARTÍCULO DE OPINION POR FRAN RIVEIRO