A importancia da participación das delegadas e delegados de prevención

O pasado 10 de maio achegueime ata Expourense para participar de novo en Previsel, salón da prevención e a saúde laboral.
Publicado por o día 13/05/2017 na sección de CC.OO,Sindicatos,Vigo

A importancia da participación das delegadas e delegados de prevención

O pasado 10 de maio, CCOO Galicia achegouse ata Expourense para participar de novo en Previsel, salón da prevención e a saúde laboral. Alí, o responsable de Saúde Laboral da Unión Intercomarcal de Ourense, Roberto Garrido, mais o sindicato deron unha charla sobre a prevención de riscos laborais.

Nesta ocasión formularon un tema aberto, que convidase máis á reflexión que á transmisión de coñecemento. Por esa razón, o título escollido, “A importancia da saúde laboral na empresa: por que e para que?”, pretendía provocar nos oíntes unha reacción e, a partir de aí, suscitar unha “tormenta de ideas” ao respecto. A prevención e a saúde laboral teñen algunha importancia real no noso día a día ou acaso se fai porque así o dita unha normativa que leva vixente 21 anos?

Dende CC.OO a través de Manuela Caneda, técnica do Gabinete de Saúde Laboral de CCOO, teñen claro o obxectivo da prevención: modificar as condicións de traballo para evitar danos á saúde. Con todo, tamén afirma que este obxectivo non é o de todas as empresas. Por esa razón, ao longo da intervención foi introducindo ideas para animar os delegados e delegadas de prevención a modificaren a realidade en que desenvolven o seu labor. Salientou tamén a importancia da participación dos delegados e delegadas de prevención e de como a normativa garante esta participación (de feito, a empresa está obrigada a consultar con estas compañeiras e compañeiros).

Tamén houbo tempo para a autocrítica e para lembrar que os representantes das traballadoras e dos traballadores deben falar con eles para comprender mellor a súa situación, xa que son quen perciben directamente o que acontece no seu posto de traballo e poden avaliar a eficacia das medidas preventivas implantadas. Nunha palabra, hai que escoitar.

“Para que as nosas propostas como delegados e delegadas de prevención teñan posibilidade de éxito, hai que argumentalas, e para iso van ter todo o apoio dos técnicos e técnicas do Gabinete de Saúde Laboral do sindicato” – afirmou Manuela Caneda, técnica do Gabinete de Saúde Laboral de CCOO.

Sintetizando: escoitar, participar e argumentar son as armas nesta loita.