Inicio da execución de beirarrúas na estrada PO-552 en Oia

Dotarase así dunha senda na marxe esquerda da estrada ao longo de 350 metros
Publicado por o día 28/01/2019 na sección de Galicia

Inicio da execución de beirarrúas na estrada PO-552 en Oia

O delegado territorial da Xunta en Pontevedra, José Manuel Cores Tourís, visitou esta mañá o concello de Oia para comprobar o inicio dos traballos de execución de beirarrúas na marxe esquerda da estrada PO-552.

Na visita estivo acompañado pola alcaldesa da localidade, Cristina Correa, así como polo xefe territorial de Infraestruturas en Pontevedra, José Luis Díez e o xefe da Axencia de Infraestruturas, Fausto Núñez.

A obra conta cun orzamento de 48.400 euros e un prazo de execución aproximado de tres meses. “Deste xeito, dende a administración autonómica damos cumprimento a unha demanda efectuada pola alcaldesa que ten como obxectivo mellorar a seguridade viaria neste tramo urbano do municipio”.

O proxecto supón a execución dunha senda pola marxe esquerda da estrada entre os puntos quilométricos 33+910 e 34+240 para completar o itinerario peonil entre a escola infantil e a casa consistorial, na travesía de Oia. “Con estas obra poñemos en marcha os últimos 350 metros de beirarrúas que facilitarán o acceso a estes dous edificios”, engadiu Cores Tourís.

O delegado territorial tamén destacou que xa, no pasado verano, a Axencia de Infraestruturas realizou, a través dun contrato de conservación, unha mellora superficial das beirarrúas xa existentes na marxe dereita desta travesía, ao longo de 250 metros.

Comentar noticia

Your email address will not be published.