Limpeza xeral na avenida de Bos Aires

Por o 09/01/2019 | Sección: Galicia,Pontevedra
Limpeza xeral na avenida de Bos Aires

A Concellaría de Servizos retoma as limpezas xerais tras o remate do Nadal. Nesta ocasión limparase a avenida de Bos Aires, no lateral dereito dirección Monte Porreiro, dende a Ponte dos Tirantes até a rotonda da Ponte das Palabras.

Como vén sendo habitual, a limpeza farase na madrugada do xoves. A zona de estacionamento estará valada dende a tarde do mércores prohibindo o aparcamento nas horas anteriores aos traballos. Os vehículos que permanezan estacionados serán retirados polo guindastre municipal.

A limpeza farase con máquinas de varrer e limpadoras de auga a presión tanto na beirarrúa como na beiravía e na calzada, polo que a Concellaría solicita a colaboración de todos os veciños e tamén dos condutores para garantir un bo resultado. Ao mesmo tempo, pide desculpas polos inconvenientes que poidan ocasionar estes labores habituais do Concello.

Comentar noticia

Your email address will not be published.