Los Secretos presentan o seu novo traballo, Mi paraíso, no Teatro Afundación de Vigo

O concerto será mañá sábado 25 de maio ás 21.00 h
Publicado por o día 24/05/2019 na sección de Eventos,Galicia,Vigo

Los Secretos presentan o seu novo traballo, Mi paraíso, no Teatro Afundación de Vigo

Afundación, a Obra Social de ABANCA, acolle un concerto a cargo de Los Secretos no que presentarán o seu novo traballo, Mi paraíso. Será mañá sábado 25 de maio, a partir das 21.00 h, no Teatro Afundación de Vigo (Policarpo Sanz, 13). As entradas pódense adquirir na web Ataquilla.com.

Despois de cumprir 40 anos de vida, unha vida cuxo paso deixou unha profunda pegada na memoria de varias xeracións, Los Secretos embárcanse nun novo proxecto no que amosan o seu novo traballo, Mi paraíso.

Protagonistas do mítico concerto de Caminos, principio da Movida, a banda madrileña superou o tempo, as altas e baixas da industria e mesmo a triste desaparición de tres dos seus membros, entre eles o inesquecible e irrepetible Enrique Urquijo. A pesar de todo iso, Los Secretos mantiveron sempre o mesmo espírito, a mesma paixón.

Para completar este repertorio o novo disco de Los Secretos traerá novas cancións mantendo o seu estilo e son único unha vez máis en cada obra.