Concentración diante do Concello: “Globos contra o barco na rotonda”

– A Asemblea Aberta de Coia convoca mañá luns 9 de febreiro unha concentración diante do Concello de Vigo (Praza do Rei) baixo o lema: “Globos contra o barco na rotonda”. Será a partires das 11:00

Centenas de globos servirán para dicirlle, moi clariño, ao alcalde algo que a veciñanza non quere o barco na rotonda de Coia. Mandaremos ás nosas reivindicacións, máis dereitos sociais, ás nubes que é onde viven o alcalde e o seu goberno. Berraremos ben forte que Xurxo somos todas! Caballero ordena e a poli mente!

Un grupiño subiremos ao pleno que se celebra na casa de todas esa mañá mentres outras quedaremos ás portas preparando uns globos, que serán a nosa ferramenta para visualizar a nosa loita polos dereitos sociais e contra obras sen sentido coma chantar un barco nunha rotonda mentres miles de viguesas sofren con crueza o empobrecemento.

Queremos unha cidade para as persoas, e para iso os cartos de todas teñen que estar destinados a garantir as necesidades básicas de toda a poboación. El os tira en obras faraónicas: estadios, escaleiras mecánicas, humanizacións… Nós queremos, precisamos que eses cartos vaian destinados a cubrir as nosas necesidades, en definitiva, que se destinen a facer unhas políticas sociais potentes e duradeiras que aseguren unha vida digna para todas.

PRENSA ASAMBLEA ABIERTA COIA

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.

asamblea coiabarco rotonda coiamanifestacion coia

SIGUENOS EN TELEGRAM