A maioría sindical desconvoca a folga na sanidade pública

A decisión adoptouse após o acordo para desbloquear a carreira profesional no ámbito do SERGAS

Os sindicatos CCOO, CSI-F, SAE, SATSE e UGT, que representan a maioría do persoal sanitario, confirmaron esta mañá nunha comparecencia de prensa conxunta que desconvocan a folga na sanidade pública prevista para os días 2 e 3 de novembro. O detonante desta decisión foi o acordo asinado do SERGAS para desbloquear a carreira profesional, que era un dos principais puntos de conflito coa Administración.

O secretario xeral de CCOO-Sanidade, Ángel Cameselle, explicou que se chegou a un acordo sobre cuestións «relevantes». Con todo, recoñeceu que «quedan materias importantes por abordar e non renunciamos a conseguir máis melloras».

Na conferencia de prensa, os voceiros da maioría sindical tamén rexeitaron a Lei de saúde de Galicia, que prevé a supresión de catro áreas sanitarias, fará desaparecer recursos e especialidades e abrirá de par as portas á privatización de servizos.

Unidade sindical

Por último, Ángel Cameselle desexou que a «unidade de acción» entre os principais sindicatos da sanidade pública continúe tamén nas próximas negociacións da mesa sectorial do ámbito.

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.

Ángel CameselleCarreira profesionalCC-SanidadeFolgaLei de Saude de Galiciasergas

SIGUENOS EN TELEGRAM