Publicado por O Diario Oficial de Galicia (DOG) publica hoxe a orde da Consellería do Medio Rural que amplía ata o 15 de decembro o prazo de presentación da licenza municipal de obra e dos diferentes permisos administrativos correspondentes ás axudas de plans de mellora, incorporación de mozos e pequenas explotacións. O período dispoñible para aportar esta documentación auméntase así, excepcionalmente, en tres meses.
Ante as peticións de diferentes organismos para prolongar dito período co fin de poder emitir os preceptivos permisos, o departamento de Medio Rural decidiu, un ano máis, ampliar o prazo para facilitar a tramitación a gandeiros e agricultores solicitantes destas subvencións e evitar así que perdan as achegas.
Cómpre lembrar que o orzamento desta convocatoria -encadrada no Programa de Desenvolvemento Rural (PDR) de Galicia 2014-2020- chega aos 41 millóns de euros. En concreto, 24 millóns irán destinados a plans de mellora, 14 millóns investiranse na incorporación de mozos á actividade agraria e 3 millóns de euros focalizaranse na creación de empresas para o desenvolvemento de pequenas explotacións.
Ao abeiro da convocatoria do ano pasado, un total de 533 beneficiarios recibiron axuda para acometer plans de mellora, 356 mozos e mozas obtiveron subvención para incorporarse ao agro e 200 persoas solicitantes conseguiron achega para a creación de pequenas explotacións.
A orde entra en vigor mañá, día seguinte ao da publicación no Diario Oficial de Galicia.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.
