Publicado por 
Hoxe realizouse a presentación da Festa da Paella da A.V.V. Chan do Bosque no local social que a Asociación ten en Amieirolongo, parroquia de Sanguiñeda. Na presentación estiveron presentes Nidia Arévalo, alcaldesa de Mos, Sara Cebreiro, concelleira de Política Social, Cultura e Turismo, Mercedes Cabaleiro, presidenta da A.V.V. Chan do Bosque, Sergio Silva, vicepresidente da A.V.V. Chan do Bosque, Mari Carrera e Elsa Fernández, fundadoras e promotoras da festa hai máis de 30 anos; e Manuel San Martín, pregoeiro da Festa da Paella 2017, actor galego que traballou, entre outras, nas series da TVG Libro de Familia, Mareas Vivas e ‘Chapa y Pintura’.
A Festa da Paella 2017 celebrarase durante os días 15, 16 e 17 de setembro.
Ademais da parte culinaria, a celebración contará cun interesante programa cultural así como actos relixiosos. O venres día 15 de setembro ás 21.00 horas representarase a obra de teatro ‘Commedia Dell Arte’ interpretada pola Escola de Teatro Xerpo e abrirase ao público a exposición de labores realizada polos membros da Asociación.
O sábado 16 tamén ás 21.00 horas dará comezo o Concurso de Tortillas con premios ao Mellor Sabor, Mellor Presentación e Máis Orixinal. Todos/as nenos/as que se presenten ao Concurso Infantil de Tortillas recibirán un obsequio. O sábado tamén haberá degustación de sardiñas a prezos módicos e actuación do Dúo Salsa Costas.
O domigo, día 17, os actos festivos comezarán xa pola mañá. Ás 10.30 horas oficiarase unha Misa no local social coa actuación da Coral O Son dos Cantares de Tameiga. Posteriormente, ás 12.00 horas celebrarase outra Misa na Capela das Angustias e, de seguido, actuación do Grupo de Gaitas Tangaraño e Subasta de Prantas.
Os asistentes a este evento gastronómico poderán degustar este prato por un prezo de 10 euros a ración.
Ás 13.00 horas chegará o Pregón a cargo do coñecido actor da serie Libro de Familia da TVG, Manuel San Martín. Tras o Pregón farase unha homenaxe á muller de maior idade do barrio e a festa estará amenizada musicalmente polo Grupo M3.
Pola tarde haberá unha actuación do Mago Popín e o programa de actos pecharas eco concerto do grupo Argonat Band.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.
