Mar de Ons premia aos usuarios da liña regular CANGAS/VIGO con billetes a Cíes por 10 Euros

A promoción comezou o pasado día 22 e finaliza o domingo 30 de setembro
Publicado por o día 26/09/2018 na sección de Galicia,Vigo

Mar de Ons premia aos usuarios da liña regular CANGAS/VIGO con billetes a Cíes por 10 Euros

A naviera Mar de Ons quere premiar aos usuarios da liña regular Cangas/Vigo con viaxes ás Illas Cíes por 10 euros. Para iso, os viaxeiros tan só terán que presentar o billete de barco entre Cangas e Vigo nos puntos de venda. Esta promoción, que deu comezo o pasado día 22 de setembro, é válida para as viaxes realizadas ás illas desde ese día e ata o vindeiro domingo día 30.

Desde a naviera indican que a iniciativa está a ter moi boa acollida. “O prezo do billete redúcese considerablemente, case un 40% en relación á tarifa habitual. Con este tipo de accións queremos premiar aos usuarios que a diario confían no noso servizo e que poidan gozar da beleza das illas nunha época na que está a acompañar o bo tempo”.

Ademais, hai que indicar que esta promoción súmase á que xa ten en marcha a naviera para as familias coa que os menores de 12 anos viaxan gratis.