O grupo municipal da Marea de Vigo pídelle ao alcalde do PSOE que reciba ao cadro de persoal da XER (xestión de estacionamento regulado) e lles explique como e cando vai cumprir o compromiso que adquiriu no Pleno.

Rubén Pérez: “Queremos saber os motivos polos que se adxudicou un contrato público a unha empresa que ofertaba cun 30% de rebaixa. Non imos parar con esta empresa, Dornier-Empark, ata botala fóra”.

Vigo, 11-09-2018. Na rolda de prensa ofrecida no día de hoxe, Marea de Vigo incidiu na responsabilidade última e máxima do alcalde de Vigo na situación do cadro de persoal de Dornier, en folga tras os 8 despedimentos da concesionaria. “Abel Caballero, como alcalde, como o presidente da Xunta de Goberno Local e como asinante da mesma que decidiu adxudicar o contrato deste servizo a Dornier, ten que recibir ao conxunto das traballadoras e traballadores desa concesionaria. Agora, debería explicarlles a cada un deles e delas como vai materializar ese apoio que daba no Pleno do Concello cando dicía que mentres el fora alcalde non habería despedimentos” matizaba Rubén Pérez, voceiro do grupo municipal.

Para a Marea de Vigo, “as causas para botar a esta empresa fóra da concesión están claras, e non existe motivo algún para acudir a ningún organismo xurídico posto que a propia documentación coa que as empresas participaron na licitación reflicte perfectamente as condicións do contrato”, condicións, segundo a Marea de Vigo, que “se están incumprindo dende o inicio da vixencia do contrato. O prego do contrato que asinou esta empresa contén un listado do persoal a subrogar, polo que, de modo inmediato, estes despedimentos significaron xa a anulación do contrato, non fai falla ir máis lonxe” engadía Rubén Pérez.

Marea de Vigo cuestiónase os motivos polos que este contrato foi adxudicado deste xeito, e alerta que vai ir tras esta empresa en todos os contratos que ten asinados neste Concello (XER e o aparcadoiro da Praza de Portugal) xa que non debería figurar en ningún deles.“O máis grave e que, sabendo tanto o goberno local como a empresa o custe dos salarios da Xestión do Estacionamento Regulado, Dornier decidira ofertar cun 30% de rebaixa, e o goberno decidira adxudicarlles o contrato” concluía Rubén Pérez, voceiro do grupo municipal da Marea de Vigo.

Noticias Vigo

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.