En Marea demanda a Fomento que esixa a Audasa medidas perante os atascos na AP-9

Publicado por o 19/05/2017
En Marea demanda a Fomento que esixa a Audasa medidas perante os atascos na AP-9

A deputada de En Marea, Alexandra Fernández, presentou unha iniciativa parlamentar no Congreso na que demanda ao Ministerio de Fomento que esixa á concesionaria AUDASA a adopción de medidas que eviten os atascos que se producen na AP-9, especialmente en periodos festivos ou no verán.

Alexandra Fernández lembra unha vez máis a lamentábel xestión da concesionaria que “ven de tempo atrás sen que Fomento nin a Xunta sancionen a AUDASA ou lle esixan solucións”. Lamenta a deputada de En Marea que en todos estes anos, Fomento e a Xunta “nunca traspasasen a liña da retórica. Limitándose a facer advertencias á concesionaria, abrindo expedientes que nunca levaron a sancións ou multas. Puro xogo propagandístico pero sen actuacións reais”.

A parlamentar de En Marea sinala que denunciamos en diversas ocasións no Congreso toda a problemática que xira en torno a AP-9, e “a obstinada resistencia do Ministerio a traspasar esta vía fundamental para Galiza. Peaxes carísimos, falla dun Programa Descontos, recorte de personal, falla de investimentos en mantemento e o problema dos atascos en periodos festivos, vacacionais ou na primavera-verán”.

Fomento e Xunta teñen responsabilidades por permitilo 

Para Alexandra Fernández “é obriga do Ministerio e da Xunta esixirlle a AUDASA que cumpra e oferezca un servizo óptimo e de calidade posto que cobra as peaxaes máis caras do estado. Non tería que ser compricado, se houbera vontade política, multar á concesionaria cando incumpre as condicións, pero é típico do PP favorecer os intereses privados de determinadas empresas en lugar de mirar polos dereitos dos galegos e das galegas que non teñen porque soportar quilométricos atascos diante das cabinas para satisfacer un pago abusivo que non se corresponde co mal servizo ofrecido”.

Neste sentido, a deputada de En Marea alude precisamente ao feito de que a Valedora do Pobo abrise unha investigación de oficio sobre AUDASA debido aos atascos rexistrados nas peaxes. A tal punto, enfatiza, que enviou un escrito á concesionaria para saber que mecanismos de compensación adopta para evitar estas situacións.

Na mesma liña, Fernández dirixe unha batería de preguntas a Fomento para que emprenda accións perante a concesionaria e se remate por fin con unha situación inadmisíbel.

Noticias de última hora en Vigo

Comentar noticia

Your email address will not be published.

ANUNCIOS DESTACADOS EN VIGO

crear anuncio

Amura Restaurante

http://www.amuravigo.es

Gran variedad de pescados, carnes, mariscos y pastas en Carral 32

Servicios web

http://www.donwebmaster.com

Dominios, hosting, diseño web, redacción, .. al mejor precio

ARI

http://editorialcirculorojo.com

El libro de Luis Soler con una historia que te sorprenderá