En Marea denuncia no pleno o veto e o voto contra as emendas que pide a cidadanía galega

Publicado por o día 31/05/2017 na sección de En Marea,Política,Vigo

En Marea denuncia no pleno o veto e o voto contra as emendas que pide a cidadanía galega

A deputada de En Marea, Yolanda Díaz, denunciou este martes de novo o veto e o voto en contra das emendas presentadas por En Marea aos Orzamentos do Estado, “moi demandadas pola cidadanía galega”.

En concreto, a deputada destacou aquelas emendas presentadas aos orzamentos das empresas do sector público, “tan importantes e diversas como ADIF, SEPI, ACUAES ou SEITTSA, entre outras, unhas iniciativas de vital importancia para o desenvolvemento económico e social de Galicia”.

A parlamentar destacou tamén a variante de Ourense ou o que ten que ver coas intermodais de Santiago, Vigo, Ourense, Coruña, Lugo ou de Ferrol.

“Vetaron estas emendas e non veñen a este debate, só queren vetar e votar en contra das emendas que pide a nosa xente”.

Tal e como sinalou a deputada Yolanda Díaz durante a súa intervención no pleno “xa estamos acostumadas ás prácticas do PP, pero é anómalo que Ciudadanos participe tamén destas prácticas tan bochornosas como é o veto a emendas que falan da vida da xente”.

Unha das iniciativas máis representativas das que foron vetadas polo Partido Popular, apoiados por Ciudadanos e PNV, foi a construción do dique seco na comarca de Ferrolterra, unha obra de moita relevancia, pola necesidade desta infraestrutura para o futuro de empresas tan importantes como Navantia.

Ademais, en relación ás emendas de ADIF que teñen que ver con Galicia, o Goberno vetou a iniciativa sobre a conexión Ferrol – A Coruña, que non recibiu ningún investimento desde 1903.

“A coñexión Ferrol – A Coruña é unha vía ferroviaria imprescindible para unha comarca empobrecida, e resulta que vostedes a vetan”, afirmou Díaz Pérez.

Entre outras das cuestións vetadas estivo o saneamento de Santiago de Compostela.

En canto a Enerxía, a deputada denunciou que “nos orzamentos non se aposta polo autoconsumo, polas renovables, pola democratización da enerxía nin pola oposición ao fracking”.

AXENDA DIXITAL

En materia dixital, a deputada denunciou que con estes Orzamentos “o Goberno demostra que non ten ningún interés por levar a banda ancha ao Courel” nin de “falar de dereitos dixitais para todos e todas, independentemente do lugar de residencia”.

“En Galicia ningún concello ten unha cobertura do 100% de banda ancha”, denunciou Díaz, que lembrou que temos “un tercio da poboación desasistida en dereitos dixitais” porque  “as políticas do PP son un auténtico fracaso”.