En Marea e os mariñeiros de ‘Long Hope’ reclaman ao Goberno a súa mediación con Noruega

Desde 1948 ata 1994 máis de 12.000 mariñeiros, galegos na súa maioría, faenaron en barcos con bandeira noruega e hoxe, sen embargo, non reciben ningunha prestación, nin do estado español nin de Noruega.
Publicado por o día 07/02/2017 na sección de En Marea,Política,Vigo

En Marea e os mariñeiros de ‘Long Hope’ reclaman ao Goberno a súa mediación con Noruega

Vanessa Angustia, senadora de En Marea, xunto a Alberto Paz, Presidente da asociación de Ex-Mariñeiros ‘Long Hope’, compareceron hoxe ante os medios de comunicación para esixir ao Ministerio de Exteriores a súa implicación no conflito que 12.000 mariñeiros manteñen en Noruega.

Desde 1948 e ata 1994 todos eles faenaron en alta mar en buques con bandeira noruega, abandonando os impostos equivalentes ao IRPF. Anos despois, sen embargo, ese traballo realizado non computa a efectos de pensión de xubilación, sen que reciban retribucións nin do Estado Español nin de Noruega, atopándose nunha situación de auténtica desprotección social.

Entre o 3 e 5 de abril próximos no xulgado de primeira instancia de Oslo analizará o contencioso que enfrenta aos ex-mariñeiros españois co Estado Noruego. É a primeira parada dun periplo xudicial que podería alongarse por anos, obrigando aos ex-mariñeiros a acudir ao Tribunal Europeo de Dereitos Humanos. Non obstante, a realidade é que moitos de eles teñen idade avanzada, viven nunha situación de desprotección e desamparo, e poderían en moitos casos non chegar a ver unha victoria xudicial que finalmente recoñeza os seus lexítimos dereitos. Por iso, a asociación ‘Long Hope’ reclama a súa mediación ao Goberno de España, concretamente do Ministerio de Asuntos Exteriores, para que apoie aos ex-mariñeiros nos tribunais noruegos, ou para que chegue a un acordo bilateral con Noruega que garanta unhas prestacións dignas.

A senadora Angustia, interpelou hoxe ao Ministro de Exterior, Alfonso Dastis, para coñecer que medidas políticas e diplomáticas tomará o Goberno para garantir a protección social dos 12.000 ex-mariñeiros representados pola asociación ‘Long Hope’.