Marea de Vigo non asistirá aos actos de celebración do aniversario da Constitución

O Grupo Municipal da Marea de Vigo, de acordo co seu código ético, principios, e coherencia ideolóxica, non participa do que considera unha “farsa”, por celebrar unha Constitución que non se cumpre en todos aqueles dereitos que aos poderes fácticos non lles interesa garantir.
Por o 05/12/2016 | Sección: Marea Vigo,Política,Vigo
Marea de Vigo non asistirá aos actos de celebración do aniversario da Constitución
Compartir en:

Unha Constitución que especifica que “todo o pobo ten dereito a unha vivenda digna e adecuada” no seu artigo 34, que declara no seu artigo 24 que “todas as persoas teñen dereito a obter a tutela efectiva de xuíces e tribunais”; que especifica no seu artigo 14 “que todos os cidadáns somos iguais ante a lei” e ao mesmo tempo se indulta a corruptos; que no seu artigo 3 garante o uso e o ensino das diferentes linguas do estado mentres o goberno central, decreto a decreto, degrádaas cada vez máis e dálles status de dialecto rexional. E, que afirma no seu artigo 128 que “toda a riqueza do país está subordinada ao interese xeral” mentres aumentan os beneficios das grandes empresas e recortan en dereitos básicos, como educación ou sanidade, á maioría social.

A Marea de Vigo, dentro da súa pluralidade ideolóxica dentro da esquerda, posúe unha noción da Democracia non só como concepto senón como práctica á hora de que a cidadanía poida escoller, non só nun proceso electoral os seus representantes cada catro anos, senón, por exemplo, o modo no que se gastan os seus cartos, ou as prioridades á hora de levar a cabo as leis que van rexer as súas vidas. Ou mesmo o simple feito de levalas a cabo ou non.

Por tanto, o Grupo Municipal da Marea de Vigo, non asistiu hoxe aos actos conmemorativos polo día da Constitución, tal e como llo expresou aos entes que os convocaron, a Subdelegación do Goberno en Pontevedra e o propio Concello de Vigo.

Una respuesta para "Marea de Vigo non asistirá aos actos de celebración do aniversario da Constitución"

  1. Gamela   06/12/2016 at 20:17

    É lamentable que MdV manteña o criterio da súa Democracia baixo mínimos (nin como concepto nin como práctica) pois nin siquera é quen de publicar crítica algunha da Cidadanía de Vigo no espacio destinado a tal fin na súa web (Faladoiro).

    Esta democracia de conveniencia non é máis que unha mala copia da que exerce dende hai once anos o alcalde que lles dá de comer (para que sigan caladiños outros dous anos máis!)

    Aquí vai o escrito que non mereceu ser publicado por Marea de Vigo

    http://www.galiciaconfidencial.com/noticia/39512-carta-aberta-marea-vigo