CONCENTRACIÓN apoio da denuncia en contra do Concello de Vigo e Civis Global

– A Asemblea Aberta de Coia convoca o MARTES 27 de xaneiro ás 10:30 unha CONCENTRACIÓN diante dos XULGADOS de VIGO (r/Lalín, Vigo) en apoio dos representantes citados para ratificar e ampliar a denuncia admitida por Fiscalía en contra do Concello de Vigo e a empresa Civis Global ante a instalación do barco na rotonda de Coia.

Fiscalía citou aos representantes da Asemblea Aberta de Coia para ratificar e ampliar a denuncia, admitida a trámite, por supostos delitos de prevaricación, malversación de fondos públicos, ocultismo e libre concorrenciana decisión do goberno municipal de instalar o “Bernardo Alfageme” na rotonda de Coia.

Unha decisión tomada en contra:

– Do convenio de cesión do barco, o cal previa a defensa do patrimonio marítimo-pesqueiro da cidade á vez que un uso pedagóxico

– Dos acordos de dous plenos

– Da oposición da veciñanza, que reclamamos que non se malgasten cartos en ornamentación dunha cidade na que moitos fogares teñen problemas para cubrir as súas necesidades básicas.

Aproveitaremos o acto para expresar, outra vez, o rexeitamento a instalación do barco, nuns momentos de grandes e graves problemas para moitas persoas que sofren uns servizos sociais municipais colapsados que non son quen de dar as respostas precisas por insuficiencia de medios. Aproveitaremos a data para continuar coa recollida de sinaturas que xa sobrepasan as 3000.

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.

asamblea aberta coiaconcentracion coiamanifestacion coia

SIGUENOS EN TELEGRAM