Mos aproba en Pleno o seu orzamento municipal para 2018

Supera os 10,5 millóns de euros, dos que máis dun millón vai destinado á partida de benestar social, que é a que experimenta o maior incremento: 201.000 euros
Publicado por o día 18/12/2017 na sección de Galicia,Mos

Mos aproba en Pleno o seu orzamento municipal para 2018

Esta mañá aprobouse en Pleno, en sesión ordinaria do mes de decembro, o orzamento municipal para o vindeiro ano 2018.

Trátase dun presuposto que ascende a 10.685.000 euros e que é superior ó do actual ano 2017 en 720.000 euros. Incremento que é posible grazas a eficiente xestión do goberno.

Arévalo, rexedora local, destacou a este respecto que “presentamos un ano máis en tempo e forma, e antes do inicio do novo exercizo económico, o orzamento local anual. Este é o décimo presuposto que elaboro como rexedora municipal e se repite, por décima vez consecutiva, o feito de presentalo en tempo e forma antes do inicio do novo exercicio. E é que os dez orzamentos elaborados por este Concello sendo eu alcaldesa presentan as constantes fundamentais -que se repiten en todos e cada un deles-, da presentación antes do inicio do exercizo económico correspondente e que se trata dun documento que só contempla os ingresos reais”.

Salientar que o orzamento de 2018 é un presuposto realista no que se contemplan os ingresos que corresponden, non se gasta por riba das posibilidades reais, e destacar sobre todo o orde e a austeridade para equilibrar a balanza entre os capítulos de gastos e ingresos. Polo tanto, insistir en que o capítulo de ingresos tan só contempla os ingresos reais e está avalado polo Informe de Intervención.

Apuntar a continuación que a elaboración do orzamento para o ano 2018 vínculase novamente á austeridade do gasto público de xeito que se eliminan os gastos innecesarios, sen que en ningún caso se vexa afectado o gasto social, que se incrementa en 201.000 euros respecto de 2017 (o que representa un incremento do 12%), acadando a contía de 1.156.994,71 euros; sendo, sen dúbida, a partida que máis crece no presuposto de 2018 e representando o 11% do total do orzamento anual.

Dentro deste gasto social incrementouse tamén unha partida moi importantes que é a que dota á suvbención anual para Asodifisi, Asociación de Diminuídos Físicos e Psíquicos de Mos.

E tamén dentro do gasto social a alcaldesa destacou a partida de 40.000 euros só para discapacidade, na que se distribúen 20.000 euros para a eliminación de barreiras arquitectónicas e os outros 20.000 euros para organización de actividades. A rexedora local fixo fincapé neste aspecto dado que precisamente o vindeiro domingo, día 3 de decembro, celébrase o Día Internacional das Persoas con Discapacidade.

Continuando co gasto social Arévalo apuntou que se destinan 30.000 euros para axudas de emerxencia social e destacou as partidas para Asomamos, Asociación de Maiores, Pensionistas e Xubilados de Mos, para a Asociación Española contra o Cancro (AECC), a Asociación Solidariedade Galega co Pobo Saharaui, a Asociación de Familiares de Enfermos de Alzheimer e Outras Demencias de Galicia (AFAGA), servizo de camas articuladas, servizo de teleasistenciavivendas sociaisdependencia á que se destinan 650.000 euros e Servizo de Axuda no Fogar (SAF) á que se destinan 51.000 euros. Tamén destacou as partidas de axudas á escola e o servizo Xantar na Casa que se incrementan e a creación dunha nova partida para o novo CIM (Centro de Información á Muller) de Mos, en materia de igualdade.

“Trátrase dun orzamento pensado por e para as persoas”, segundo declarou a alcaldesa, Nidia Arévalo. Por iso, e a pesar de non ser unha competencia municipal, increméntase en 20.000 euros a partida adicada ao fomento do emprego respecto do ano 2017, alcalzando os 220.000 euros en 2018. Así mesmo increméntase a partida de educación alcanzando os 630.000 euros, poténciase as actividades con escolares e créanse dúas novas partidas: a da Aula Madruga nos colexios para fomentar a conciliación da vida familiar e laboral e a daEscola Segunda Oportunidade para adultos, vencellada tamén ao fomento do emprego. Tamén no referido servizo ás persoas dotouse unha nova partida para melloras, avances e material informático que permitan impulsar a total e óptima implantación da administración electrónica.

Unha inversión importantísima, dos máis de 10,5 millóns de euros ós que ascende o orzamento municipal para 2018, irá destinada á mellora de servizos municipais tales coma parques e xardíns e mantemento de zonas verdes cuxa partida se incrementa en 35.000 euros. En servizos a alcaldesa destacou as partidas para o Bus Urbanorecollida de lixo, Punto Limpo, limpeza viaria, mantemento e mellora de estradas e conservación de patrimonio e edificios.

No apartado de obras de mantemento e conservación de estradas increméntase dita partida en 140.000 euros, alcanzando o millón de euros. E no apartado de equipamentos de vías e obras increméntanse 35.000 euros, alcanzando os 225.000 euros. Cantidades que dende o goberno consideran necesarias para manter en óptimas condicións as infraestruturas municipais. Esta partida dará así resposta ao plan anual de mantemento que cada ano pónse en marcha para dar resposta ás necesidades locais e demandas veciñais.

En cultura a partida alcanza os 200.000 euros experimentando unha subida de 20.000 euros respecto de 2017. Destaca neste apartado a potenciación do programa Vive o Camiño e do apoio ás asociacións culturais mosenses.

En deportes concédense dúas novas suvencións nominativas, unha ao Clube de Patinaxe Xiramos e outra ao campión mosense de Kick Boxing, Juan Riveraacadando así a cifra total de 16 subvencións nominativas incluídas na partida orzamentaria de deportes en 2018. Ademais dentro da partida de deportes increméntase tamén a contía adicada ás subvencións para actividades extraescolares deportivas. E tamén ascende a inversión en mantemento das piscinas municipais, tanto a do Pavillón Óscar Pereiro coma a de San Eleuterio ao aire libre, ademais do mantemento do resto de edificios e instalacións deportivas municipais.

En xeral o orzamento de 2018 caracterízase polo aumento da maioría das partidas, a continuidade da amortización da débeda e a contención do gasto.

Arévalo informou tamén de que “por suposto estou a realizar a miña ronda anual de finais de ano polas administración supramunicipais para xestionar o plan de axudas ao Concello de Mos”.

Para elo a alcaldesa xa está a entregar en ditas administracións proxectos para o 2018 como son os de humanización de San EleuterioPeinador, Cela (Igrexa-Gatesende), Puxeiros e a senda Petelos-Torroso. Tamén un plan de 25 asfaltados a realizan en dous anos, o proxecto da continuación do Paseo do Louro, o novo Parque da Pesqueira, un proxecto de máis dun millón de euros para poder rematar o saneamento da Estrada Nacional 550 e os pequenos tramos que quedaban pendentes.

As obras que están en marcha e que se rematarán en 2018 son a nova Escola Infantil da Veigadaña, a humanización da Costilleta, a rehabilitación do Pavillón Pena de Francia, a reforma integral do Colexio Pena de Francia e varios saneamentos que se atopan neste momento en marcha.

A alcaldesa rematou destacando a aprobación do documento antes de finais de ano, como ven sucedendo dende que ela é alcaldesa; e segundo considera “como debe de ser pois os orzamentos municipais teñen que ser aprobados en tempo e forma”, concluiu.