Nava Castro salienta a crecente capacidade de Galicia para atraer viaxeiros interesados no turismo idiomático

A directora de Turismo de Galicia, Nava Castro, participou hoxe en Santiago de Compostela na apertura do XXIX Congreso Internacional da Asociación para a Ensinanza de Español como Lingua Estranxeira (ASELE) que reúne ata o sábado a máis de trescentos especialistas de todo o mundo. Durante a súa intervención, Nava Castro puxo en valor a crecente capacidade da Comunidade galega para atraer os viaxeiros interesados no turismo idiomático, un segmento especialmente estratéxico para destinos como o galego.

Así o reflicte a a Estratexia do turismo de Galicia 2020, que inclúe o turismo idiomático como segmento emerxente no que traballar nos vindeiros anos ao reunir gran parte dos elementos que axudan a construír un destino responsable e de calidade como o galego. Como explicou Nava Castro, este turismo move visitantes que acoden ao destino a aprender, pero tamén a gozar da cultura, da enogastronomía, da natureza ou do patrimonio e tenden, ademais, a realizar unha longa estadía permitíndolles coñecer máis días o destino ao completo. O congreso, organizado por Cursos Internacionais da Universidade de Santiago de Compostela e a asociación que engloba ao colectivo de docentes, vense celebrando con éxito desde finais da década dos oitenta.

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.

SIGUENOS EN TELEGRAM