Nigrán acolle este domingo o torneo noroeste de QUIDDITCH, o deporte ‘MÁXICO’ das novelas de HARRY POTTER

Cinco equipos de toda Galicia disputarán no campo de Lourido-Praia América este torneo oficial previo ao inicio da liga autonómica
Publicado por o día 21/09/2018 na sección de Galicia,Nigrán

Nigrán acolle este domingo o torneo noroeste de QUIDDITCH, o deporte ‘MÁXICO’ das novelas de HARRY POTTER

O Campo de fútbol de Lourido acollerá este domingo dende as 9:00 horas a ‘IV Copa Noroeste’ de quidditch, o deporte ‘máxico’ que practicaban os protagonistas das novelas de Harry Potter e que se trasladou á realidade no 2005 en EEUU. O Concello de Nigrán colabora co clube Dinosaur´s Army QT para organizar este campionato oficial previo ao inicio de liga en Nigrán. En total, cinco equipos de toda Galicia (Dementores de A Coruña, Lumos Compostela, Lucus Centauri, Pontevedra QC e Dinosaur´s Army QT de Vigo) disputarán este torneo veterano de toda a península. Compre destacar que a comunidade galega, con 110 xogadores, é pioneira en toda España e Portugal na práctica do quidditch e que o noroeste peninsular é a primeira rexión na que se acadaron equipos suficientes para poder contar dende 2015 cunha liga estable (España conta con 380 xogadores).

O quidditch xóagase nun campo de herba coas dimensións similares ás do hockey e é unha mestura de rugby, balonmán e balón prisioneiro. Hay 5 pelotas diferentes no campo e sete xogadores por equipo subidos a cadansúa basoira. O quidditch é ademais o único deporte cunha regla de xénero (non pode haber 4 persoas por equipo que se identifiquen co mesmo xénero, o xénero co que se identifique un xogador é o considerado para este límite,

independentemente do seu sexo físico). Con esta norma, o quidditch é un dos deportes pioneiros en canto a igualdade para as mulleres e a comunidade LGTBI.

“O equipo de Vigo Dinosaurs Army fíxonos a proposta para xogar o torneo no campo de Lourido e dende o Concello de Nigrán aceptamos encantados porque é unha oportunidade magnífica de coñecer de preto este deporte tan curioso e, ao mesmo tempo, apoiar aos que xa o practican”, sinala Juan González, alcalde de Nigrán.