O aparcadoiro para persoal do Álvaro Cunqueiro é gratuito dende o 2015 e reduxo á metade o prezo do parking público para os traballadores durante a pandemia

O persoal dispón dun aparcadoiro totalmente gratuíto e exclusivo para os traballadores con 726 prazas e outro exterior con 250 prazas. Este aparcadoiro non se completou en ningunha quenda durante os últimos meses
Publicado por o día 29/05/2020 na sección de Galicia,Salud,Sanidad,Vigo

O aparcadoiro para persoal do Álvaro Cunqueiro é gratuito dende o 2015 e reduxo á metade o prezo do parking público para os traballadores durante a pandemia

En relación ás declaracións de hoxe do alcalde de Vigo respecto ao aparcamento do hospital Álvaro Cunqueiro, hai que aclarar o seguinte:

1-. Desde o ano 2015 o aparcadoiro de persoal é gratuíto para os empregados do Sergas (correndo este con o custo das 726 prazas dispoñibles). Contan tamén con outro aparcadoiro gratuíto exterior con 250 prazas.

2-. Ademais, a aqueles traballadores que prefiren estacionar no aparcadoiro do público xeral -e que xa contan con bonos especiais-, se lles reduciu a súa tarifa nun 50%, de xeito que, durante estes meses da pandemia e ata o próximo 1 de xuño, solo pagan 15 euros ao mes.

3-.Hai que recordar que para o público existe un aparcadoiro xeral coas tarifas moi reducidas, sendo o prezo deste parking, desde decembro de 2015, o máis barato de cuantos existen nos hospitais públicos de Galicia. Asemade, é o máis económico de cantos están abertos no municipio de Vigo. A primeira media hora de estancia nos estacionamentos públicos cubertos é gratuíta. E a segunda media hora ten un prezo de 0,99 euros. O resto custa 1 euro cada hora, ata chegar a un máximo de 8 euros por 24 horas no parking interior e un máximo de 10 euros as 24 horas no aparcadoiro de Urxencias.

4-. A realidade é que nestes meses de pandemia o aparcadoiro xeral do público rexistrou un pico máximo de ocupación de 650 prazas; cando o habitual é unha media máxima de 1700 prazas ocupadas. Porcentualmente representa un 62% menos de ocupación, debido fundamentalmente á redución da actividade das consultas externas e as limitación das visitas a pacientes hospitalizados. Polo tanto, en ningún momento houbo ningún problema coas prazas de aparcadoiro e os accesos de entrada e saída sempre foron fluídos.

5-. En total, o Hospital Álvaro Cunqueiro dispón de preto de 4.000 prazas de aparcadoiro entre as diferentes superficies destinadas a estacionamento de vehículos.

A Xunta de Galicia está a esperar polas 2.824 prazas de aparcadoiro disuasorio municipal que estaban previstas na contorna do hospital e que xa se contemplaban no proxecto sectorial no ano 2008, que eran competencia do Concello de Vigo. Lonxe dos datos anunciados e tras tres anos de retraso, o Concello de Vigo abre un aparcadoiro de 400 prazas.

Este aparcadoiro, a diferenza dos que existen no hospital, dista das instalacións e do edificio preto de 400 metros, que os usuarios haberán de percorrer a pé despois de deixar o seu vehículo.

6-.No Hospital do Meixoeiro existe un amplo aparcamento gratuíto para traballadores e usuarios que van a este hospital.

7-.Dende a Área Sanitaria de Vigo ínstase ao alcalde a que reproduza estas medidas nos aparcadoiros do Concello emprazados preto dos centros de saúde, facilitando e abaratando, ou incluso facendo gratuíto, o aparcamento de traballadores e usuarios que achéganse aos mesmos. Por citar algún exemplo, no aparcamento da Rúa Rosalía de Castro para usuarios e persoal dos centros de saúde de Rosalía de Castro e Beiramar; no da Praza da Independencia para os dos centros sanitarios de Pintor Colmeiro, López Mora ou Nicolás Peña; no de Urzaiz para o centro de saúde da R/ Cuba; ou no da Porta do Sol para os do Casco Vello.