O Banco de Alimentos mobilizará a 80 voluntari@s na súa segunda Operación Quilo do ano

A acción solidaria levará a cabo mañá, venres, e o sábado, 5 e 6 de abril, nos hipermercados Carrefour tanto do Centro Comercial Gran Vía como do de Travesía de Vigo
Publicado por o día 04/04/2019 na sección de Galicia,Social,Vigo

O Banco de Alimentos mobilizará a 80 voluntari@s na súa segunda Operación Quilo do ano

A Fundación Provincial Banco de Alimentos de Vigo mobilizará esta fin de semana a uns 80 voluntarios para a realización da que será a súa segunda Operación Quilo de 2019.
 
A recollida de comida levará a cabo mañá, venres, e o sábado, 5 e 6 de abril, nos hipermercados Carrefour situados en Vigo tanto no Centro Comercial Gran Vía como no Centro Comercial Travesía. As voluntarias e voluntarios que participarán na cita solidaria, perfectamente identificados con petos da ONG, facilitarán as doazóns de alimentos que a cidadanía desexen achegar.
 
Impulsada pola Fundación Solidariedade Carrefour, esta Operación Quilo celebrarase de maneira simultánea en todos os establecementos cos que conta no país. Por tanto, tamén levará cabo nos Carrefour de Pontevedra, os situados no Centro Comercial á Barca e Centro Comercial de San Blas, así como no de Lalín.
 
Como adoita ser habitual coas recollidas desenvoltas en Carrefour, a cadea de supermercados comprométese a doar o dobre da comida que se recolla durante as dúas xornadas solidarias. “Por cada quilo de alimentos que achegas, Carrefour doará outro aos Bancos de Alimentos” é a súa lema da devandita campaña.
 
Entre os alimentos non perecedoiros máis urxentes nesta segunda Operación Quilo do ano, destacan o leite, o cacao, as galletas, o aceite e todo tipo de conservas. En canto a este último produto, as conservas, hai que ter en conta que un bo número de destinatarios da comida que reparte a entidade teñen tamén pobreza enerxética, co que, consumir comida que non requira moita preparación é un valor engadido.
 
Con esta nova acción solidaria, o Banco de Alimentos pretende seguir abastecendo o seu almacén de Lavadores con produtos que non poden faltar en ningún fogar.
 
Actividade durante o ano pasado Durante 2018, o Banco de Alimentos entregou preto de 1,8 millóns de quilos de comida (1.760,629 quilos), a través dos 150 colectivos sociais cos que traballa, cubrindo o 35% das necesidades das 25.000 persoas ás que axuda.
 
A ONG, creada en 1995, apolítica e aconfesional, dedica os seus esforzos para facer cumprir un dos dereitos humanos máis fundamentais: o acceso a unha alimentación suficiente, segura e saudable de maneira gratuíta.

Comentar noticia

Your email address will not be published.