O BNG acusa a Educación de facer electoralismo coas oposicións de docentes

Rodil critica as présas da Consellería de Educación ao abrir o prazo de inscrición o 1 de xuño e lamenta a posición do goberno central impedindo incorporar as prazas por xubilacións do vindeiro curso
Publicado por o día 28/05/2020 na sección de BNG,Política

O BNG acusa a Educación de facer electoralismo coas oposicións de docentes

A deputada do BNG e portavoz de Educación, Olalla Rodil acusa de “electoralismo” á Xunta polas présas de Educación para abrir o  prazo de inscrición, o vindeiro 1 de xuño, e pide ao goberno galego que “ explore todas as posibilidades legais para acumular nas oposición docentes as prazas de 2020 e 2021”.

Desde o BNG, afirma Rodil,  “instamos ao goberno da Xunta de Galiza a estudar todas as posibilidades legais para acumular, con garantías xurídicas, as prazas de 2020 e 2021 nas oposicións docentes que terán lugar o próximo ano” e non  entendemos nin compartimos as présas da Consellaría de Educación por abrir o prazo de inscrición o 1 de xuño se non é por “cálculos electorais”. A deputada pide que a consellería e o Ministerio de Educación   recapaciten  ante a “situación excepcional” provocada pola  COVID-19 e que as xubilacións do ensino obrigatorio do ano 2020 sexan incorporadas ao concurso de oposicións.

Rodil  critica que o Goberno do estado rexeite introducir cambios no Real Decreto 276/2007 para permitir “a acumulación das prazas de 2020-2021” e asegura que a pandemia fai máis necesario que nunca enfrontar novas necesidades educativas. O ensino galego precisa contar “co maior número posible de docentes” e resulta “inaceptable o desinterese” do Ministerio de Educación ante a situación extraordinaria que está a vivir Galiza pola crise da COVID-19 con consecuencias para o  ensino galego.

A xuízo da deputada do BNG,  “a actitude do Ministerio e a  posición do goberno español evidencian  a súa falta de sensibilidade  con Galiza” polo que volve a reclamar que rectifiquen e o concurso de oposicións de docentes conten coas prazas acumuladas dos anos 2020 e 2021.

Comentar noticia

Your email address will not be published.