O BNG de Vigo interpela o Goberno municipal sobre os motivos de non teren utilizado 2 millóns de euros do superávit de 2019

O Bloque Nacionalista Galego interpelou esta mañá, na Comisión Informativa de Orzamentos e Facenda, ao Goberno municipal de Vigo a respeito de que motivos explican que nesta altura inda non teña feito uso de 1 millón 969  mil euros que restan do superávit orzamentario de 2019.

O concelleiro Xabier P. Igrexas asegurou “non comprender a razón pola que non se bota man destes recursos extraordinarios”. “Nun contexto onde son tantas as necesidades na cidade derivadas da pandemia do coronavirus, o que cómpre é precisamente utilizar todos os recursos e capacidades das que dispón o Concello”, argumentou.

Para o portavoz municipal nacionalista o feito de ter “ociosos” preto de 2 millóns de euros, cando hai apenas uns días o alcalde decidía fechar a metade dos parques infantís da cidade alegando o elevado custo da súa desinfección, só se debe “á falla de vontade política e de capacidade de xestión” do Goberno local. “É claro que non é un problema de falla de recursos”, remachou.

Malia contar coa presenza do concelleiro de Facenda, Jaime Aneiros, na comisión informativa o Goberno local non manifestou ningunha resposta ou explicación sobre esta cuestión.

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.

SIGUENOS EN TELEGRAM

Comentarios (0)
Publicar comentario