O BNG do Porriño organiza unha recollida de sinaturas a prol dunha tarifa eléctrica galega

O pasado venres o BNG do Porriño iniciou unha campaña de recollida de sinaturas para reclamar unha tarifa eléctrica galega, a supresión dos suplementos territoriais que gravan a factura eléctrica e a redución do IVE que se lle aplica ao subministro eléctrico do 21% ao 4%.

“Porque é imperativo demandar cambios inmediatos na regulación eléctrica para que a electricidade sexa un servizo básico e estean cubertas as necesidades sociais e económicas dun país coma o noso, tendo en conta que a xeración eléctrica leva aparellados elevados custos sociais e medioambientais que deben sernos compensados.”