Publicado por 
A conselleira de Política Social, Fabiola García, asinou esta mañá coa presidenta da Federación de Librarías de Galicia, Pilar Rodríguez, o acordo de adhesión desta entidade ao Carné Xove, polo que as mozas e mozos se beneficiarán de descontos nas 150 librarías que forman parte desta entidade. Estes descontos serán dun 10% en papelería e material escolar e dun 5% en libros para a xente nova que sexa titular desta tarxeta.
A sinatura tivo lugar no establecemento Kathedra Libraría Universitaria e contou coa asistencia da delegada territorial da Xunta, Marisol Díaz Mouteira, da directora xeral de Xuventude, Participación e Voluntariado, Cristina Pichel, e do presidente da Agrupación de Libreiros de Ourense, José Manuel García Mosquera. Este acordo coincide co inicio do curso escolar, polo que é unha oportunidade para facerse con todo o material para levar á escola a un custe reducido. As librarías que se suman a esta iniciativa colocarán nun lugar visible o adhesivo que identifica o programa Carné Xove.
A conselleira agradeceu á Federación de Librarías de Galicia que se sumara a este programa que na actualidade conta con máis de 3000 centros adheridos que abranguen todos os ámbitos, como o cultural, aloxamento, transportes, comercial ou ensino, entre outros. Arredor de 40.000 mozas e mozos galegos, con idades entre os 12 e os 30 anos, son xa usuarios do Carné Xove, que poden utilizar non soamente na Comunidade Autónoma senón noutras zonas de España e en 40 países europeos que tamén participan desta iniciativa.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.
