O Concello de Gondomar porá en marcha o martes a 1ª Fase do Plan de Tráfico para o Centro urbano de Gondomar

Publicado por o día 23/03/2019 na sección de Galicia,Gondomar

O Concello de Gondomar porá en marcha o martes a 1ª Fase do Plan de Tráfico para o Centro urbano de Gondomar

Deste xeito, a Policía Local no ámbito das súas competencias reordenará circulación nas rúas: Pereiras, Emigrante, Ánimas, Levada do Beco e Av. do Conde; todas elas pasarán a ser de sentido único de circulación cunha mellora na seguridade viaria e fluidez circulatoria facilitando o tránsito de autobuses e transporte pesado cara ás parroquias de Chaín, Morgadáns, Peitieiros e Couso e viceversa, e un aumento na súa capacidade de prazas de estacionamento.

O estudo realizado pola Xefatura da Policía Local determina que as 48 prazas de estacionamento para turismos existentes nas devanditas rúas pasarán ser 99; o que suporá un incremento do 106% de estacionamento nunha zona urbana necesitada de aparcamento público.


A rúa Pereiras será de sentido único ascendente e a rúa Emigrante e Av. do Conde terán sentido único descendente; mentres que as rúas perpendiculares: rúa das Ánimas conectará a R/ Pereiras coa R/ Emigrante e a rúa Levada do Beco unirá a R/Emigrante coa R/ Pereiras.

Comentar noticia

Your email address will not be published.