O Concello de Nigrán abre mañá o prazo de inscrición nos campus deportivos de verán

Desenvolveranse durante os meses de xullo e agosto e abranguen diferentes disciplinas deportivas: futbol sala, surf, ximnasia rítmica, patinaxe, baloncesto, deportes náuticos, tenis, futbol e multideporte
Publicado por o día 12/06/2019 na sección de Galicia,Nigrán

O Concello de Nigrán abre mañá o prazo de inscrición nos campus deportivos de verán

O Concello de Nigrán, coa colaboración dos clubes do municipio, organiza dende finais de xuño a inicios de setembro oito campus deportivos orientados a nenos e adolescentes: futbol sala, surf, ximnasia rítmica, patinaxe, baloncesto, deportes náuticos, tenis, futbol e multideporte. O prazo de inscrición aos mesmos ábrese mañá xoves 20 de xuño a través da Oficina de Información Cidadá do Concello de Nigrán (de luns a venres, de 9:00 a 14:00), sendo preciso aportar fotocopia do DNI ou libro de familia e da tarxeta sanitaria.

Todos teñen unha duración de cinco días e un custe medio de 60 euros (agás o do Club Baloncesto Nigrán, de 50 €, e o de ximnasia rítmica, 40 €), existindo nalgúns a posibilidade de empregar servizo de coidador para ampliar horario e permitir mellor conciliación familiar. Para información concreta e datas: 986365000 ou [email protected]

Os campus están orientados a un público infantil e adolescente e arrancan con surf do 24 ao 28 de xuño. O Concello aportará a merenda diaria para cada participante e a cobertura do seguro.