O Concello de Nigrán celebrou o Día do Libro na Ramallosa con presentacións e sinaturas por parte dos autores

O Concello de Nigrán uníuse ao sector libreiro de toda España, que decidíu festexar este día tres meses despois do que lle correspondería (23 de abril) xa que foi imposible debido ao confinamento
Publicado por o día 24/07/2020 na sección de Galicia,Nigrán

O Concello de Nigrán celebrou o Día do Libro na Ramallosa con presentacións e sinaturas por parte dos autores

O Concello de Nigrán uníuse ao sector libreiro de toda España para festexar este xoves 23 de xullo o Día do Libro, tres meses despois do que lle correspondería despois de que este ano coincidise co confinamento. Así, desde as 12:00 horas da mañá na Alameda de San Campio (A Ramallosa) realizáronse diferentes presentacións de obras de escritores galegos e sinatura das mesmas a
cargo dos autores. Neste evento participan editoriais galegas como Xerais, Galaxia e Edicións do Cumio, que teñen postos de venda ata as 22:00 horas de hoxe.

Así, Elba Pedrosa presentou “O que non sabías”; Francisco Castro, “Tantos anos de silencio”; Manuela Riobó , “El mensajero”; Héitor Picallo, “As letras galegas en caricatura (1963-2020), Fran Fernández “Mover os marcos” e Iago Castro presentou a obra de Isaac Xubín ‘Xenealoxía dun intruso’. As introduccións dos autores correron a cargo do alcalde, Juan González; Henrique Costas, Catedrático da Universidade de Vigo no departamento de Filoloxía galega e latina; Iago Castro, profesor de lingua e literatura galega en secundaria; e a concelleira de Cultura, Nuria Lorenzo.

Comentar noticia

Your email address will not be published.