O Concello de Nigrán colabora na organización das festas parroquiais das Angustias e Chandebrito deste domingo con diversas actuacións

En Nigrán tocará en sesión vermú a Banda de Música de Vincios e en Chandebrito a do Val Miñor
Publicado por o día 14/08/2020 na sección de Galicia,Nigrán

O Concello de Nigrán colabora na organización das festas parroquiais das Angustias e Chandebrito deste domingo con diversas actuacións

O Concello de Nigrán, en colaboración coa Comisión de Festas das Angustias (Nigrán) e do Cristo de Chandebrito, organiza diversas actuacións este domingo que se encadran no programa municipal ‘Música nas Parroquias.

Deste xeito, en Chandebrito, onde as festas se aprazaron por mor do Covid-19 a esta data, celebrarase o sábado 15 unha misa de campaña na honra de San Antonio ás 12:00 e posteriormente serán as tradicionais poxas; xa pola noite, ás 23:00, será a actuación musical de Tito Castro e Hugo Chamizo na fonte do Regueiro. Ao día seguinte, domingo 16, o Concello ofrece o concerto da Banda de Música do Val Miñor (pasarrúas ás 11:00 e concerto despois da Misa Maior do mediodía) e a actuación do Mago Rey Midas ás 21:00 no Bar de Arriba.

Pola súa banda, no torreiro de As Angustias, o Concello colabora na organización da misa no exterior o domingo 16 ás 12:00 e co concerto a continuación da Banda de Música de Vincios.

Comentar noticia

Your email address will not be published.