O Concello de Pontevedra esixe á Xunta que exerza as súas competencias no saneamento da ría

Publicado por o día 19/09/2018 na sección de Galicia,Pontevedra

O Concello de Pontevedra esixe á Xunta que exerza as súas competencias no saneamento da ría

O Concello de Pontevedra estivo presente esta mañá na reunión convocada pola Xunta de Galicia para abordar o saneamento da ría de Pontevedra. Logo do encontro, os responsables políticos municipais, o alcalde Miguel Anxo Fernández Lores e o concelleiro responsable do Ciclo da Auga, Raimundo González, emplazaron á Xunta de Galicia a que exerza “xa” as súas competencias en materia de saneamento da ría de Pontevedra, dado que as presentacións realizadas esta mañá son “un brindis ao sol”, recurrentes por parte do Goberno do Partido Popular en época pre-electoral.