O Concello de Ribadumia informa de que dende o martes 15 de maio, está aberto o prazo de presentación de solicitudes para a contratación de persoal que axude na atención dos postos de venda de viño que se instalarán na carpa da XLVI edición da “Festa do Viño Tinto do Salnés e Exaltación das Variedades Autóctonas”. As instancias para participar poden cubrirse e presentarse nas oficinas do Concello, de 8:00 a 15:00 horas de luns a venres –excepto festivos-, ata o día 24 deste mes.

Todas aquelas persoas que queiran participar axudando a atender as casetas poden presentar a súa solicitude, co único requisito de que os candidatos e candidatas sexan maiores de idade, debido á natureza do produto que estes stands ofrecen ao público.

A venta dos caldos comezará coa inauguración oficial da festa, o sábado 1 de xuño ás 13:00 horas, cando sexa aberta a carpa dos stands que, como ven sendo habitual, estará situada na Avenida Bouza Martín.

Noticias Vigo

Noticias de última hora en Vigo