O Concello de Ribadumia únese a XII Limpeza Simultánea de Ríos

Toda Galiza realizará a limpeza dos seus ríos nunha xornada de voluntariado e natureza.
Publicado por o día 24/09/2019 na sección de Galicia,Ribadumia

O Concello de Ribadumia únese a XII Limpeza Simultánea de Ríos

O Concello de Ribadumia informa que está a colaborar co Proxecto Ríos para organizar a XII Limpeza Simultánea que terá lugar este domingo día 29 de setembro a partir das 11 horas.

A cita será na Ponte dos Padriños situada en Ponte Arnelas a carón das marxes do Río Umia.

Está é unha iniciativa que comezou no 2008 para facer visible un problema como é o lixo que acaba nos ríos e que destrúe a biodiversidade e beleza dos mesmos por toda Galiza. É un día no cal os voluntarios e voluntarias saen aos seus ríos para recoller o lixo que atenta contra a riqueza dos nosos ecosistemas fluviais posto que miles de quilogramos de refugallo xa foron extraídos de moitos ríos galegos polos centos de voluntarios que participaron nas anteriores limpezas.

Cabe destacar a importancia desta acción en canto a concienciación social para evitar a destrución dos nosos ríos e ecosistemas, posto que moitas pequenas accións terán unha influencia importante.

Animamos así a todos os veciños, e a todos os que queiran a achegarse a participar nesta limpeza simultánea dos nosos ríos.