O Concello de Vigo concederá este ano 5.000 becas para comedor, libros e material escolar

A Xunta de Goberno Local aprobou este xoves as bases para a concesión de axudas municipais de libros, material escolar e comedor. Este ano, tal e como sucedeu en anteriores convocatorias, haberá un total de 5.000 alumnos con beca. O Concello de Vigo inviste 1,2 millóns de euros.
Publicado por o día 03/05/2018 na sección de Concello de Vigo,Galicia,Vigo

O Concello de Vigo concederá este ano 5.000 becas para comedor, libros e material escolar

O Concello de Vigo investirá este ano un total de 1,2 millóns de euros en becas de comedor e libros para os alumnos vigueses. Tal e como avanzou o alcalde, a Xunta de Goberno Local aprobou as bases para a concesión de axudas municipais de libros, material escolar e comedor. O prazo para as solicitudes aínda non está aberto e deberá esperar á publicación no Boletín Oficial da Provincia (BOP).

Un total de 5.000 alumnos recibirán este ano becas municipais de comedor, libros e material escolar despois do visto e prace das bases da concesión por parte do Concello de Vigo. Abel Caballero anunciou este xoves en rolda de prensa que na nova convocatoria volverán a investir 1,2 millóns de euros.

“Desde que son alcalde ningún neno quedouse sen comedor, non hai lista de espera, antes había pouco máis de 1.000 becas e unha longa lista de espera”, sinalou o rexedor. Estas axudas son para Educación Infantil (2ª Etapa), Primaria e Secundaria. O Concello colabora con 70 comedores de centros públicos e privados concertados pese a que as competencias son autonómicas.