Abel Caballero informou este luns do inicio dos traballos de transplante de quince exemplares arbóreos da Praza da Estación. Entre esta semana e a próxima, dependendo do clima, sete palmeiras serán trasladadas e plantadas en Samil e outros oito liquidámbar, na zona máis urbana parque de Barreiro.

“Isto forma parte dunha remodelación enteira da estación do tren de alta velocidade, dos accesos desde a autoestrada á cidade, dun gran edificio de Thom Mayne cun ascensor que une dúas zonas de trinta mil habitantes e da vella Praza da Estación que estamos refacendo”, afirmou Caballero.

A este respecto, segundo os últimos prazos ofrecidos, a estación de Vialia de Urzáiz está a menos dun ano da súa apertura, mentres que os traballos dos accesos viarios xa están en execución. A remodelación da Praza da Estación prevé a súa adxudicación para decembro e inicio das obras, en xaneiro, e contempla recuperar e reconstruír contra o muro a antiga fachada da terminal ferroviaria, ademais de instalar un elevador que conecte a futura praza con unión de Urzáiz e a Vía Norte.

Ademais, no entorno da nova estación de Vialia que constrúe Ceetrus en Urzáiz, o Concello prevé habilitar outro ascensor que conecte a zona de Rosalía de Castro e García Barbón -emprazado xusto detrás das torres- coa terraza da futura estación, que estará á altura de Vía Norte.

Noticias Vigo

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.