O condutor dun camión resulta ferido tras saírse da vía co seu vehículo en Tui

Publicado por o día 03/03/2020 na sección de Galicia,Sucesos,Tui

O condutor dun camión resulta ferido tras saírse da vía co seu vehículo en Tui

O condutor dun camión resultou ferido na mañá de hoxe tras saírse da vía mentres circulaba pola A-55, ao paso polo concello pontevedrés de Tui, á altura do punto quilométrico 30.

Ás 11:00 horas, o 112 Galicia recibiu a alerta a través das chamadas de varios particulares que presenciaron o accidente. Segundo a información facilitada aos xestores do Centro Integrado de Atención ás Emerxencias (CIAE), o condutor atopábase liberado e accesible, pese aos danos que presentaba o vehículo.

Decontado, desde o 112 Galicia solicitouse a intervención de Urxencias Sanitarias de Galicia-061, dos axentes da Garda Civil de Tráfico e da Policía Local.

Unha vez no punto, os profesionais sanitarios evacuaron o ferido ata o Hospital Álvaro Cunqueiro.

Desde o CIAE tamén se avisou aos Bombeiros do Porriño, aos voluntarios de Protección Civil de Tui e ao servizo de mantemento das estradas.

Comentar noticia

Your email address will not be published.