O delegado da Xunta en Vigo destaca a contribución da fundación Érguete á formación e á inserción laboral dos drogodependentes

Publicado por o día 20/06/2019 na sección de Galicia,Vigo,Xunta de Galicia

O delegado da Xunta en Vigo, Ignacio López-Chaves, inaugurou hoxe no Museo de Arte Contemporáneo de Vigo a xornada “20 anos traballando coas persoas”, organizada pola Fundación Érguete-Integración.

Neste contexto, o representante autonómico destacou a contribución da fundación que lidera Carmen Avendaño á formación e á inserción laboral dos drogodependentes. Unha tarefa na que, dixo, “teredes sempre camiñando ao voso carón á Xunta de Galicia”.

O apoio da Administración autonómica tanto cos servizos coma cos programas que pon en marcha Érguete, plásmase nos máis de 200.000 euros que se lle concederon o ano pasado.