O DOG publica a aprobación inicial da modificación puntual do Barrio do Cura

Coa publicación no DOG, o Concello de Vigo dá un paso máis na tramitación da modificación puntual do Barrio do Cura, unha actuación na que as demolicións xa están moi avanzadas. O Barrio do Cura con case 4.000 m2 de zonas verdes, unha escola infantil e máis de 1.200 prazas de aparcamento.
Publicado por o día 06/11/2019 na sección de Concello de Vigo,Galicia,Vigo

O DOG publica a aprobación inicial da modificación puntual do Barrio do Cura

Coa publicación no DOG, o Concello de Vigo dá un paso máis na tramitación da modificación puntual do Barrio do Cura, unha actuación na que as demolicións xa están moi avanzadas. O Barrio do Cura con case 4.000 m2 de zonas verdes, unha escola infantil e máis de 1.200 prazas de aparcamento.

Nestes momentos, ábrese un período de exposición pública de dous meses para a presentación de alegacións, tempo durante o cal se solicitarán os informes sectoriais preceptivos de Urbanismo, Patrimonio e Costas. A tramitación proseguirá coa notificación individual aos titulares catastrais dos terreos afectados, mentres avanzan a bo ritmo as demolicións, con total respecto á preservación dos valores patrimoniais. Do antigo asilo so queda a fachada da igrexa -elemento protexido – que non se vai desmontar senón que se adoptarán as medidas precisas para garantir a súa estabilidade durante as obras. Algunhas vivendas de Poboadores permanecerán, logo de ser rehabilitadas, segundo indicou o rexedor.

Esta actuación urbanística resolverá a articulación e conexión do Casco Vello con Torrecedeira e tamén mellorará a comunicación e mobilidade transversal desta parte da cidade e, sobre todo, entre o eixo Paseo de Alfonso -Pi i Margall e as zonas máis baixas do contorno da actuación. Con este obxectivo está previsto, por unha banda, unha conexión peonil entre o Paseo de Alfonso XII e a zona de Ribera, así como entre Santa Marta e Poboadores, facilitando a mobilidade vertical e, por outra, a mellora da mobilidade rodada coa ampliación do viario de conexión entre o eixo Paseo de Alfonso XII -Pi i Margall e Torrecedeira (Llorente e Santa Marta).

O Barrio do Cura contará con case 4.000 m² de zonas verdes e a lo menos 170 árbores; máis de 2.500 m² de equipamento público sociosanitario-educativo (unha escola infantil); 5.500 m² de superficie en praza e espazo público e máis de 1.200 prazas de aparcamento. O documento reserva un 30% de vivenda protexida -tal e como figuraba no PXOM de 2018, superando o mínimo legal, situado nun 10%.

2 Respuestas a "O DOG publica a aprobación inicial da modificación puntual do Barrio do Cura"

  1. Gamela   07/11/2019 at 11:14

    Por máis que miro os PLANOS precisaría ser arquitecto para entender algo ?
    http://hoxe.vigo.org/movemonos/urbanismo_pxom2.php?lang=gal#/#modificaciones

    Seguro que despois de feito o choio teremos unha idea más clara do tema !

    Por qué non lle facedes unha entrevista ao arquitecto Alfonso Penela para que nos dé unha idea máis redonda do que se vai facer no Barrio do Cura ?

    Responder
  2. Gamela   07/11/2019 at 11:23

    Na páxina 10 do documento se precisa claramente que as Reservas para vivenda protexida: 16% da superficie edificable de uso residencial.

    Por que siguen mentindo ? 16% (e veremos se non queda na metade!)

    Doc. Ver páxina 10
    http://xmu.vigo.org/docs/BarriodoCura16980_411/F_RESUMO_EXECUTIVO__29_03_2019_.pdf

    Responder

Comentar noticia

Your email address will not be published.