O Goberno de Carmela Silva achega máis de 180.000 euros para o desenvolvemento do Marisquiño 2018, un dos RiasBaixasFests da Deputación de Pontevedra

A presidenta cualificou ao festival como “o maior evento de cultura urbana e deportes do sur de Europa” e a importancia “innegable” do Marisquiño para a economía da provincia
Por o 26/07/2018 | Sección: Deputación de Pontevedra,Galicia,Vigo
O Goberno de Carmela Silva achega máis de 180.000 euros para o desenvolvemento do Marisquiño 2018, un dos RiasBaixasFests da Deputación de Pontevedra

A presidenta da Deputación de Pontevedra, Carmela Silva, vén de informar da aprobación o próximo martes en Xunta de Goberno do convenio de colaboración co concello de Vigo para o desenvolvemento do festival Marisquiño 2018, que acolle a cidade olívica desde o ano 2001. Silva enxalzou que este convenio, por valor de máis de 180.000 euros e enmarcado no protocolo de colaboración co concello vigués, ten por obxecto promover actuacións que fomenten a participación da sociedade no deporte e cultura urbana.

Carmela Silva destacou que O Marisquiño forma parte dos #RiasBaixasFest, a iniciativa que a Deputación de Pontevedra puxo en marcha fai tres anos para promover a nivel nacional e internacional, baixo unha mesma marca, os sete festivais da provincia (PortAmérica, Atlantic Fest, Vive Nigrán, SinSal Son Estrella Galicia, SonRíasBaixas, O Marisquiño e Revenidas).

No caso concreto do festival vigués, a presidenta da institución provincial asegurou que se trata dun dos grandes eventos da cidade, “que enche os hoteis non soamente de Vigo senón da súa contorna e da provincia de Pontevedra”. Neste contexto, Silva enxalzou a importancia “innegable” do Marisquiño para a economía da provincia de Pontevedra xa que, cada ano, “durante as datas de celebración do evento, os hoteis da cidade e de toda a súa contorna rexistran o 100% de ocupación hoteleira e o ano pasado o impacto económico do festival achegouse aos 20 millóns de euros”. Amais a presidenta da Deputación tamén subliñou a alta participación da cidadanía, con máis de 160.000 persoas que acudiron ao Marisquiño o pasado ano e ata 1.500 deportistas de 20 países. Xunto á participación in situ, o festival foi seguido a través de streaming por milleiros de persoas de máis de 100 países.

O Marisquiño, que este ano terá lugar do 10 ao 12 de agosto, é xa unha referencia internacional no ámbito do deporte e cultura urbanos. De feito, tal e como destacou Silva, “trátase do maior evento de cultura urbana e deportes do sur de Europa”, con probas deportivas puntuables en campionatos mundiais e unha destacable oferta cultural, concentrando no porto de Vigo desde exhibicións de graffiti e break dance ata unha completa programación musical que ascende a preto de 25 concertos.

Noticias de última hora en Vigo

Una respuesta para "O Goberno de Carmela Silva achega máis de 180.000 euros para o desenvolvemento do Marisquiño 2018, un dos RiasBaixasFests da Deputación de Pontevedra"

  1. Gamela   26/07/2018 at 19:25

    Esta política de eventos multitudinarios que duran 3 días (Marisquiño, SeaFest, etc) non son máis que fume… https://flic.kr/p/K6keug

    Canta xente utiliza normalmente a bicicleta como medio de transporte en Vigo? Vigo segue sendo unha cidade para os coches durante todo o ano !!!

    Responder

Comentar noticia

Your email address will not be published.