O goberno de Vigo aproba os convenios de cesión de terreos da humanización da estrada Porto-Beade

Logo de pasar pola Xerencia de Urbanismo, a Xunta de Goberno Local validou este luns os convenios urbanísticos por cesión gratuíta dos terreos afectados pola execución do proxecto de humanización da estrada de Porto-Beade. Abel Caballero puxo en valor que Concello e Deputación adican 3,5 millóns á reforma.

A cambio desta cesión solicitada á veciñanza para a actuación de mellora e humanización da vía, o Concello recoñécelles que, se nalgún momento hai aproveitamento urbanístico, computaríanselle os metros cedidos á ampliación. Con todo, o proxecto incorpora a posibilidade de facer modificacións na obra para axustarse ás parcelas non cedidas polos propietarios.

O proceso de recoñecemento e cesión dos terreos dilatouse por mor do Covid-19, que impediu que se cumprira o prazo de exposición pública e que obrigou a suspender os tempos co Estado de Alarma. As obras poderán retomarse unha vez asinados os convenios ratificados este luns polo goberno vigués.

Abel Caballero recordou que a da Estrada de Porto-Beade é “a humanización, no ámbito rural da cidade, máis importante que se fixo nunca na historia”, con 3,5 millóns de euros de orzamento, 18 meses de prazo estimado de obras e 1,3 quilómetros de rúa a remodelar. A Deputación abona o 70% do custo; o 30% restante, a cargo do Concello de Vigo.

No rural, o alcalde recordou que o Concello traballa tamén nas reformas de Penís de Abaixo (Lavadores), estrada da Balsa e Juan de Bastos (Matamá), estrada da Venda (Beade) e Caiero e Figueiras (Cabral), por importe total de 4,5 millóns. “E a isto”, anunciou Caballero, “vanlle seguir corenta humanizacións en corenta rúas adicionais”.

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.

SIGUENOS EN TELEGRAM