O goberno de Vigo eleva a cen as becas para alumnado da Escola de Idiomas

O Concello aprobou as bases e a convocatoria do programa, que presenta un orzamento de 175.000 euros para incrementar ata cen o número de estadías subvencionadas no estranxeiro, segundo anunciou Abel Caballero. Ademais, o goberno vigués concede outras 750 prazas para alumnado de Secundaria.
Publicado por o día 08/11/2018 na sección de Concello de Vigo,Galicia,Vigo

O goberno de Vigo eleva a cen as becas para alumnado da Escola de Idiomas

O alcalde de Vigo, Abel Caballero, informou este xoves da aprobación das bases e convocatorias das bolsas “Concello de Vigo” para estancias lingüísticas no estranxeiro para alumnado da Escola Oficial de Idiomas de Vigo. O programa para 2019 presenta un orzamento de 175.000 euros para un total de cen vacantes.

Da centena, 66 son para o Reino Unido e/ou Irlanda, 11 para Francia, 6 para Alemaña e/ou Austria, outras tantas para Italia, 4 en Portugal, 4 para Xapón e 3 para China. O Concello ofrece unha estadía formativa nestes países, tal e como fai cos 750 alumnos de Secundaria que viaxaron este mes de setembro ao Reino Unido e Irlanda.

De cara ao 2019, o Concello aumenta o número de vacantes e a partida orzamentaria. Segundo anotou Abel Caballero, a partida chega aos 175.000 euros para contar con cen prazas; neste 2018 viaxaron 92 estudantes da EOI por un importe de 160.000 euros.