En vésperas de que o Grupo Chévere represente EROSKI PARAÍSO no Teatro Afundación de Vigo (venres 18 ás 20:30h) e de Pontevedra (sábado 19 ás 20:30h), integrantes da compañía e da editorial KALANDRAKA presentaran os primeiros tres volumes da colección BIBLIOTECA DE TEATRO: “Río Bravo”, “Annus Horribilis” e “Eroski Paraíso”. Esta iniciativa conxunta pretende documentar o teatro “feito a pé de escenario” e poñer a disposición do público as súas obras completas para seguir gozando delas cando se pecha o pano. O encontro, aberto ao público, será o xoves 17 ás 20:00 horas, na Libraría Cartabón (Urzáiz, 125) de Vigo.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.