Os concelleiros de EU SON DO PORRIÑO-SON EN COMÚN, Pedro Ocampo e Blanca Francés estiveron onte convidados pola Alcaldía do Porriño na firma do convenio de cesión da parcela para a ampliación do Centro de Saúde. Foi un convite que recoñece a sua loita de case dous anos nas rúas, e de toda a lexislatura anterior a través de diversas iniciativas no Concello e no Parlamento de Galicia, onde o apoio de Eva Solla foi fundamental nas Comisións de Sanidade.

“Agradecemos este recoñecemento á Alcaldía do Porriño pero imos seguir moi vixiantes, tanto dende o Concello como dende o Parlamento Galego, para que non quede todo en promesas electorais e estudos que ao final non chegan a nada. Os problemas do Centro de Saúde son unha realidade que sofre no día a día a veciñanza do Porriño. O que demandamos son tamén realidades que, cos prazos dos que fala o Conselleiro, non veríamos ata o 2021” manifestan desde o grupo municipal.

“Cunhas eleccións polo medio e a experiencia de anteriores promesas incumpridas, estudos previos de meses e a confirmación do Conselleiro de que non se van reter os cartos necesarios nos Orzamentos de 2020, pouco máis hai que dicir. Así que imos seguir loitando pois este convenio e os pasos dados pola Consellería son a resposta á nosa constancia e ao apoio da veciñanza do Porriño.” finalizan dende EU SON.

Noticias Vigo

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.