O Grupo RC Celta recibe o certificado AENOR de protocolos de actuación fronte ao COVID-19

O Grupo RC Celta acaba de recibir o certificado AENOR de protocolos de actuación fronte ao COVID-19, un recoñecemento que destaca as medidas e protocolos postos en marcha polo grupo, colaborando no proceso de volta á normalidade, no control da situación sanitaria do día a día e achegando valor nos procesos de continuidade de negocio. O RC Celta convértese no primeiro e único club de España que obtén este certificado.

Desta forma, AENOR apoia as boas prácticas na xestión dos riscos derivados do COVID-19 en todas as instalacións e sociedades do Grupo RC Celta (Real Club Celta de Vigo, S.A.D., Afouteza e Corazón, S.L.U., e Fundación Celta de Vigo)

Todas as instalacións e servizos do Grupo RC Celta teñen a seguridade de estar a aplicar protocolos adecuados e, ademais, demostran o seu compromiso para evitar a propagación do COVID-19. En concreto, o inmoble da Sede, que alberga o Restaurante Silabario, Café A Sede-O Trigal, Clínica RC Celta, tenda oficial do RC Celta, residencia A Canteira e oficinas do club convértese nun espazo que cumpre os certificados COVID e que puxo unha especial énfase na higienización de todas as súas zonas con desinfección e limpeza de todas as zonas comúns. Ademais, tamén se aumentou o número de dispensadores de xel e establecéronse medidas de distanciamento interpersoal.

AENOR

AENOR, a través da certificación e da avaliación da conformidade, contribúe a mellorar a calidade e competitividade das empresas, os seus produtos e servizos. AENOR é a entidade líder en certificación en España, xa que os seus recoñecementos son os máis valorados e atópase entre as 10 principais certificadoras do mundo.

Actualmente, máis de 80.000 centros de traballo teñen algún dos certificados de AENOR, que apoian ás organizacións en campos como a Calidade, Xestión Ambiental, Innovación, Seguridade Laboral ou Responsabilidade Social.

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.

SIGUENOS EN TELEGRAM