O alcalde de Vigo, Abel Caballero, puxo en valor este venres as obras levadas a cabo recentemente na coñecida como Praza da Industria (Eugegio Fadrique) para realzar o Monumento ao Ferreiro. O Concello investiu un total de 22.500 euros na recuperación da glorieta situada na rúa Coruña.

“O resultado foi extraordinario, unha actuación moi acertada para dar valor a unha grande escultura”, sinalou o rexedor en referencia á obra do artista Guillermo Steinbrüggen inaugurada en 1970.

As obras, rematadas no prazo de catro semanas, permitiron renovar a cometida de rego, instalar nova sinalización de tráfico, bordos de granito, novo alumeado para o monumento e a rotonda, zona verde con plantas de temporada e acondicionamento do busto e a base do monumento con granito.

Noticias Vigo

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.