Publicado por 
O Museo do Mar de Galicia, xestionado pola Xunta, ofrecerá mañá o concerto de Paolo Latrónica, un dos nomes de referencia da nova xeración de cantautores uruguaios, na Lonxa do Reloxo da Nave Nova ás 12,00 h.
O seu estilo auténtico e persoal achega a canción de autor a estilos como o tango, a bossa nova ou o candombe, sempre co telón de fondo do rock. Os seus discos Saber más de vos e Dos caras y mujeres que saben a mar, son un revulsivo no panorama musical e traballou con outras destacadas figuras do eido, como Rulo y la Contrabanda, Presuntos Implicados ou Xoel López, entre outros.
O Museo do Mar de Galicia oferta un amplo abano de actividades culturais para os visitantes. Precisamente, desde o pasado mércores alberga a exposición O Camiño do Humor, do debuxante galego Luís Davila, O Bicheiro, unha escolma de 140 das súas máis destacadas viñetas.
Noticias de última hora en Vigo
