Publicado por 
O portavoz popular, Alfonso Marnotes, ofreceu, esta mañá, unha rolda de prensa para criticar que o alcalde mente aos viaxeiros do Imserso cando lles asegura que, a próxima tempada, sairán máis avións desde Peinador ou que os buses partiŕ an de Vigo.
“O alcalde di que o ano que vén a licitación xa será completamente distinta. Pois ben, o actual concurso acábase de adxudicar por dúas tempadas, 19/20 e 20/21 , así que non haberá concurso ata dentro de dous anos como mínimo e poida que ata dentro de catro ou cinco se decide prorrogar o contrato”, explicou Marnotes. “Isto quere dicir que o ano que vén as condicións serán as mesmas que as deste ano, o que significa que nin en 2020 nin en 2021 haberá máis avións do Imserso desde Peinador. Así que Abel Caballero e o Imserso están enganado a todos os viaxeiros de Vigo e a súa área. É mentira”, afirma o portavoz popular Alfonso Marnotes.
Por outra banda, segundo recolle o prego de condicións, os usuarios, cando van contratar unha viaxe deste tipo, teñen que ter a posibilidade de marcar unha casa na que pidan que queren saír desde Vigo en bus. Agora ben, a día de hoxe o Imserso está a incumprir o prego de condicións e non está a ofrecer esta posibilidade, só permite opción desde Pontevedra. Marnotes tamén explicou que “ninguén sairá desde Vigo, seguirán saíndo desde Pontevedra. É máis, sabemos que as adxudicatarias non programaron saídas en bus desde Vigo”.
Ademais, Abel Caballero afirmou que confiaba no aumento da oferta de voos en Peinador se se cancelan as viaxes a Cataluña. “Outra mentira. A día de hoxe as viaxes a Cataluña están vendidos nun 90% desde aquí. Por tanto, esta posibilidade non se dá. É máis, o Imserso xamais incrementou a oferta duns destinos porque caia a demanda en outros”.
Por iso, o Partido Popular esíxelle ao alcalde que deixe de enganar aos viaxeiros e dígalles a verdade, xa que Vigo segue sen entrar nos plans do Imserso.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.
